Вакансии

O‘zbekiston Respublikasi Korrupsiyaga qarshi kurashish agentligida
mavjud bo‘lgan bo‘sh ish o‘rinlari to‘g‘risidagi

MA’LUMOT

№	Tashkilot nomi	Bo‘sh ish o‘rinlari
1.	O‘zbekiston Respublikasi Korrupsiyaga qarshi kurashish agentligi	4

Ma’lumot uchun: nomzodlar o‘zi haqidagi ma’lumotnoma (obyektivka, rezyume)ni Agentlikning info@anticorruption.uz elektron pochtasiga yuborishlari mumkin.

KO‘CHIRMA

O‘zbekiston Respublikasi Korrupsiyaga qarshi kurashish agentligiga
ishga qabul qilinadigan nomzodlarga qo‘yiladigan

MALAKA TALABLARI

Lavozim nomi	Shaxsi va ma’lumotiga oid talablar	Mehnat faoliyatiga oid talablar	Bilim va ko‘nikmalariga oid talablar
Boshqarma boshlig‘i	Muqaddam jinoiy javobgarlikka tortilmagan va sudlanmagan, lavozim yo‘nalishi va funksional vazifalariga mos keluvchi oliy ma’lumotli O‘zbekiston Respublikasining fuqarosi	Agentlikdagi tavsiya etilayotgan faoliyat yo‘nalishi va soha xususiyatidan kelib chiquvchi vazifa va lavozimlarda davlat idoralarida kamida 8 yillik ish tajribasi, shu jumladan kamida 5 yil rahbarlik lavozimlarida muvaffaqiyatli ishlagan bo‘lishi lozim	Lavozim yo‘nalishi va funksional vazifalariga mos keluvchi bilim va ko‘nikmalar
Boshqarma boshlig‘i o‘rinbosari		Agentlikdagi tavsiya etilayotgan faoliyat yo‘nalishi va soha xususiyatidan kelib chiquvchi vazifa va lavozimlarda davlat idoralarida kamida 5 yillik ish tajribasi, shu jumladan kamida 3 yil rahbarlik lavozimlarida muvaffaqiyatli ishlagan bo‘lishi lozim
Bo‘lim boshlig‘i		Agentlikdagi tavsiya etilayotgan faoliyat yo‘nalishi va soha xususiyatidan kelib chiquvchi vazifa va lavozimlarda 5 yildan kam bo‘lmagan muddat ishchanlik, tashabbuskorlik bilan samarali faoliyat olib borgan bo‘lishi lozim
Bosh inspektor, yetakchi inspektor		Agentlikdagi tavsiya etilayotgan faoliyat yo‘nalishi va soha xususiyatidan kelib chiquvchi vazifa va lavozimlarda 3 yildan kam bo‘lmagan muddat ishchanlik, tashabbuskorlik bilan samarali faoliyat olib borgan bo‘lishi lozim

Favqulodda yuqori professional tayyorgarlikka yoki maxsus bilimlarga ega bo‘lgan, ammo mazkur Malaka talablarida o‘rnatilgan zaruriy ish stajiga ega bo‘lmagan shaxslar Agentlik direktori qaroriga ko‘ra ishga qabul qilinishi mumkin.

KO‘CHIRMA

O‘ZBEKISTON RESPUBLIKASI PREZIDENTINING
FARMONI

O‘ZBEKISTON RESPUBLIKASIDA KORRUPSIYAGA QARSHI KURASHISH TIZIMINI TAKOMILLASHTIRISH BO‘YICHA QO‘SHIMCHA CHORA-TADBIRLAR TO‘G‘RISIDA

7. Agentlik uch oy muddatda:

Agentlikni yuqori malakali kadrlar bilan, birinchi navbatda, korrupsiyaga qarshi kurashish sohasida amaliy ish tajribasiga ega va Agentlik zimmasiga yuklatilgan vazifalarni professional darajada bajarishga qodir shaxslar orasidan to‘ldirilishini;

Agentlik faoliyati tashkil etilishini tartibga soluvchi hujjatlar paketi, shu jumladan Agentlik tuzilmalari to‘g‘risida nizomlar va xodimlarining odob-axloq qoidalari ishlab chiqilishini ta’minlasin.

Belgilab qo‘yilsinki:

Agentlikni xodimlar bilan to‘ldirish konkurs asosida xalqaro standartlarga muvofiq Agentlik tomonidan belgilanadigan tartibda amalga oshiriladi;

Agentlikka birinchi marta ishga qabul qilinadigan xodimlar ishdan ajratilgan holda O‘zbekiston
Respublikasi Bosh prokuraturasi Akademiyasida korrupsiyaning oldini olish va unga qarshi kurashishning nazariy va amaliy masalalari, xorijiy tajriba va xalqaro standartlarni o‘rganishni qamrab oluvchi maxsus o‘quv dasturlari bo‘yicha ta’lim oladi.

O‘zbekiston Respublikasi
Prezidenti SH. MIRZIYOYEV

Toshkent sh.,
2020-yil 29-iyun,
PF-6013-son