Agentlik direktorining navbatdagi shaxsiy qabuli o'tkazildi

Bugun Korrupsiyaga qarshi kurashish agentligi direktori Akmal Burxanovning navbatdagi shaxsiy qabuli bo‘lib o‘tdi.

Fuqarolar o‘z murojaatlarida nogironlik guruhini belgilashdagi byurokratiya va sansalorlik, yer nizolarining to‘liq va xolisona ko‘rib chiqilmayotgani, ayrim qarorlar soxtalashtirilgani, shuningdek, davlat idoralari hamda huquq-tartibot organlari tomonidan o‘tkazilgan o‘rganishlar yuzasidan noroziliklarini bildirishdi.

Shu bilan birga, ayrim murojaatchilar tomonidan mamlakatimizda korrupsiyaga qarshi kurashish samaradorligini yanada oshirishga qaratilgan taklif va tavsiyalar ham ilgari surildi.

Qabul davomida barcha murojaatlar atroflicha tinglanib, har bir masala bo‘yicha huquqiy tushuntirish va amaliy tavsiyalar berildi.

Qo‘shimcha o‘rganish talab etadigan, shuningdek, korrupsiya holatlari haqida kelib tushgan xabarlar yuzasidan ariza va shikoyatlar belgilangan tartibda qabul qilinib, ularni qonuniy hal etish hamda ijrosini qat’iy nazoratga olish bo‘yicha tegishli choralar belgilandi.

Korrupsiyaga qarshi kurashish agentligi

Axborot xizmati

65 24 For print

Korrupsiyaga qarshi kurashish Axborot xizmati 22.05.2026

• Copy link