“Aloqabank” aksiyadorlik tijorat bankining faoliyatiga oid korrupsiyaviy xavf-xatarlar darajasi yuqori funksiyalar
Davlat rahbarining 2022-yil 11-maydagi 240-son qaroriga muvofiq, bu yil e-anticor.uz elektron platformasi orqali “Aloqabank” aksiyadorlik tijorat bankining faoliyatiga oid jami 42 ta funksiyada korrupsiyaviy xavf-xatarlar baholandi.
Baholash natijalariga ko'ra, funksiyalarning 15 tasida xavf-xatar darajasi “yuqori”, 12 tasida “o‘rta”, 15 tasida “past” darajada.
Jumladan:
- jinoiy faoliyatdan olingan daromadlarni legallashtirishga qarshi kurashish;
- muammoli aktivlar va garov ta’minoti bilan ishlash;
- korporativ kredit amaliyotlarini muvofiqlashtirish;
- xaridlarni olib borish;
- start-up loyihalarini sherikchilik asosida moliyalashtirish kabi funksiyalarda korrupsiyaviy xavf-xatarlar darajasi “yuqori” deb baholandi.

Hozirda bank tomonidan korrupsiyaga qarshi kurashish bo‘yicha dastur asosida mavjud xavf-xatarlarni bartaraf etish bo‘yicha ishlar amalga oshirilmoqda.
Eslatib o'tamiz, korrupsiyaviy xavf-xatar yuqori funksiyalari ko‘p bo‘lgan tashkilot "eng korrupsiyalashgan", korrupsiyaviy xavfi yuqori bo‘lgan lavozimdagi shaxslar “korrupsioner” yoki aksincha korrupsiyaviy xavf-xatari asosan “past” bo‘lgan tashkilotlar "korrupsiyadan xoli" hisoblanmaydi.
Ushbu holatlar mazkur tashkilotlarda nazorat choralari yetarli yo‘lga qo‘yilganligi yoki aksincha qo‘shimcha nazorat choralari ko‘rilishi kerakligini, shu bilan birga, tashkilot rahbarlari korrupsiyaviy xavfi yuqori bo‘lgan jarayonlar (funksiyalar) va funksiyalarni bajaruvchi lavozimlarni alohida nazoratga olishiga signal beruvchi omil sanaladi.
Infografikada bu haqdagi ma'lumotlar batafsil aks etgan.