BMT ning korrupsiyaga qarshi kurashishga oid navbatdagi global tadbiri O‘zbekistonda o'tkaziladi
BMT Korrupsiyaga qarshi konvensiyasi ishtirokchi-davlatlarining 2027-yilda bo'lib o'tadigan navbatdagi sessiyasi (CoSP-12) O‘zbekiston Respublikasida o‘tkazilishi belgilandi.
O'zbekistonnong mazkur tashabbusi Qatarning Doha shahrida bo‘lib o‘tayotgan CoSP-11 sessiyasida 190 ta davlat tomonidan ma'qullandi va bu haqida tegishli qaror qabul qilindi.

CoSP — korrupsiyaga qarshi kurash bo‘yicha dunyodagi eng nufuzli xalqaro maydon bo‘lib, unda 190 dan ortiq davlat vakillari, xalqaro tashkilotlar, ekspertlar va fuqarolik jamiyati ishtirok etadi.

Avvalgi yillarda bu tadbirga 2017-yil Avstriya, 2019-yil BAA, 2021-yil Misr, 2023-yil AQSh mezbonlik qilgan.
CoSP sessiyasi doirasida:
✔️ korrupsiyaga qarshi milliy siyosatlar
✔️ xalqaro hamkorlik
✔️ aktivlarni qaytarish
✔️ shaffoflik va hisobdorlik kabi dolzarb masalalar muhokama qilinadi.

Bu qaror O‘zbekistonning korrupsiyaga qarshi kurash sohasidagi islohotlari, ochiqlik siyosati va xalqaro hamkorlikdagi faol pozitsiyasi jahon hamjamiyati tomonidan e’tirof etilayotganini anglatadi.
Korrupsiyaga qarshi kurashish agentligi
Axborot xizmati