Bojxona organlarida korrupsiyaga qarshi kurashish samaradorligini oshirish masalalari muhokama qilindi

Bojxona institutida “Bojxona organlarida korrupsiyaga qarshi kurashish samaradorligini oshirish masalalari” mavzusida davra suhbati o‘tkazildi.

Unda Korrupsiyaga qarshi kurashish agentligi, Davlat xavfsizlik xizmati akademiyasi, Ichki ishlar vazirligi akademiyasi, Jamoat xavfsizligi universiteti, O‘zbekiston yoshlar ittifoqi masʼul xodimlari, institut professor-o‘qituvchilari va kursantlar ishtirok etdi.

Ishtirokchilar bojxona organlaridagi korrupsiyaga qarshi kurashish yo‘nalishida amalga oshirilayotgan islohotlarning davriy hisoboti bilan tanishtirilib, aniqlanayotgan jinoiy holatlarni yuzaga keltirayotgan omillar bo‘yicha o‘zaro fikr almashishdi.

Muloqot mobaynida bojxona organlarida korrupsiyaga qarshi kurashish samaradorligini oshirish masalalari muhokama qilinib, mutaxassislar tomonidan bu boradagi faoliyatni yanada faollashtirishga oid taklif va tavsiyalar bildirildi.

Tadbir yakunida muloqot va muhokamalar jarayonida alohida faollik ko‘rsatgan ishtirokchilarga tashakkurnoma topshirildi.

Korrupsiyaga qarshi kurashish agentligi

Axborot xizmati

307 21 Bosma versiyasi

Korrupsiyaga qarshi kurashish Axborot xizmati 29.04.2024

• Havoladan nusxa olish