Investitsiyalar, sanoat va savdo vazirligida korrupsiyaviy xavf-xatarlar darajasi “yuqori” bo‘lgan funksiyalar
Davlat rahbarining 2022-yil 11-maydagi 240-son qaroriga muvofiq, bu yil Investitsiyalar, sanoat va savdo vazirligi tomonidan e-anticor.uz elektron platformasiga yuborilgan maʼlumotlar asosida uning faoliyatidagi jami 75 ta funksiyada korrupsiyaviy xavf-xatarlar baholandi.
Baholash natijalariga ko'ra, funksiyalarning 10 tasida xavf-xatar darajasi “yuqori”, 31 tasida “o‘rta”, 34 tasida “past” darajada.
Infografikada vazirlikning korrupsiyaviy xavf-xatar darajasi yuqori funksiyalari aks etgan.

➖investitsiya loyihalarini amalga oshirishga salbiy ta’sir ko‘rsatadigan muammolarni doimiy asosda o‘rganish;
➖to‘g‘ridan-to‘g‘ri chet el investitsiyalarini jalb qilishda, shuningdek, ulardan samarali foydalanishda vazirliklar, idoralar va boshqa tashkilotlarga ko‘maklashish;
➖davlat organlari tomonidan o‘tkaziladigan xalqaro investitsiyaviy va iqtisodiy forumlar, boshqa xalqaro investitsiyaviy va iqtisodiy tadbirlarni kelishish shular jumlasidandir.
Hozirda vazirlik tomonidan korrupsiyaga qarshi kurashish bo‘yicha dastur asosida mavjud xavf-xatarlarni bartaraf etish bo‘yicha ishlar amalga oshirilmoqda.
Eslatib o'tamiz, korrupsiyaviy xavf-xatar yuqori funksiyalari ko‘p bo‘lgan tashkilot "eng korrupsiyalashgan", korrupsiyaviy xavfi yuqori bo‘lgan lavozimdagi shaxslar “korrupsioner” yoki aksincha korrupsiyaviy xavf-xatari asosan “past” bo‘lgan tashkilotlar "korrupsiyadan xoli" hisoblanmaydi.
Ushbu holatlar mazkur tashkilotlarda nazorat choralari yetarli yo‘lga qo‘yilganligi yoki aksincha qo‘shimcha nazorat choralari ko‘rilishi kerakligini, shu bilan birga, tashkilot rahbarlari korrupsiyaviy xavfi yuqori bo‘lgan jarayonlar (funksiyalar) va funksiyalarni bajaruvchi lavozimlarni alohida nazoratga olishiga signal beruvchi omil sanaladi.