Korrupsiyaga qarshi kurashish Toshkent shahar hududiy kengashining yig‘ilishi bo‘lib o‘tdi

3618 1092 Bosma versiyasi

Tadbirda Korrupsiyaga oid jinoyatlar bo‘yicha ko‘rilgan sud ishlari yuzasidan statistik maʼlumotlar, idora va tashkilotlar faoliyati ochiqligining taʼminlanganlik holati hamda qurilish va kommunal sohalarda korrupsiyaga qarshi kurashish, uning oldini olish borasida amalga oshirilayotgan ishlar to‘g‘risida masʼullar hisoboti tinglandi.

Yig‘ilishda hududiy kengash aʼzolari, Korrupsiyaga qarshi kurashish agentligi masʼullari, boshqarma rahbarlari hamda ommaviy axborot vositalari vakillari ishtirok etdi.

Dastlab, ochiqlikni taʼminlash bo‘yicha amalga oshirilgan ishlar, hududiy kengash faoliyati va yo‘l qo‘yilgan kamchiliklar tanqidiy-tahliliy ko‘rib chiqildi. Masʼullarga ochiqlikka oid qonunchilik hujjatlari talablariga rioya etish, ochiq maʼlumotlarni o‘z vaqtida, to‘g‘ri va to‘liq eʼlon qilib borish bilan bog‘liq aniq vazifalar berildi.

Shuningdek, yig‘ilishda Toshkent shahar sudi raisi, Toshkent shahar Qurilish va uy-joy kommunal xo‘jaligi boshqarmasi boshlig‘i, “Hududiy elektr tarmoqlari”, Hududgaz Poytaxt” gaz taʼminoti filiali, “Toshkent shahar suv taʼminoti” masʼuliyati cheklangan jamiyati rahbarlarining hisobotlari eshitilib, sohada amalga oshirayotgan ishlari muhokama etildi.