Ўзбекистон ҳукумати мамлакатда мева-сабзавотчилик тармоғида қўшилган қиймат занжири яратишни ривожлантириш лойиҳасини молиялаштириш учун Япония халқаро ҳамкорлик агентлиги (JICA)дан 200 млн АҚШ доллари миқдорида имтиёзли қарз жалб қилади.

Лойиҳада иштирок этувчи молия ташкилотларига кредитлар ўзбек сўмида тақдим этилади.

АҚШ долларига нисбатан ўзбек сўмининг валюта курси тебранишлари туфайли юзага келадиган харажатлар республика бюджети ҳисобидан қопланади.

Кредитлар лойиҳа ташаббускорларига Марказий банкнинг асосий ставкасида ажратилади.

Лойиҳа республиканинг барча вилоятлари ва Қорақалпоғистон Республикасида амалга оширилади.

Коррупцияга қарши курашиш агентлиги лойиҳа доирасида ажратилган маблағларнинг мақсадли ишлатилиши жараёнида очиқлик ва ошкораликни таъминлаш устидан доимий назорат ўрнатади.

Коррупцияга қарши курашиш агентлиги

Ахборот хизмати 

3031 919 Босма версияси

Korrupsiyaga qarshi kurashish Axborot xizmati 17.03.2023

• Ҳаволадан нусха олиш