Агентликда ободонлаштириш ва кўкаламзорлаштириш тадбири ўтказилди

Ҳашар азалдан халқимизда ҳамжиҳатлик, ободлик ва яратувчанлик рамзи сифатида қаралади.Бу хайрли тадбир орқали Она табиатни асраб-авайлаш, атроф-муҳит муҳофазаси ва тозалигини таъминлашга фаол ҳисса қўшиш Коррупцияга қарши курашиш агентлиги меҳнат жамоасида ҳам анъанага айланган.

Хусусан, бугун Агентликда ўтказилган ҳашар тадбирида Агентлик биноси ва унга туташ ҳудудлар саранжом-саришта ҳолатга келтирилиб, манзарали дарахтлар ва гул кўчатлари экилди. Дарахтлар оқланиб, шакл берилди. Агентлик ҳудудида яратилган кўркам ва мўжазгина боғ ҳамда Агентлик биноси атрофига манзарали дарахт кўчатлари ўтқазилди.

Агентлик жамоаси бу йил "Обод ва файзли маҳалла — юрт кўрки" шиори остида бўлиб ўтадиган умумхалқ хайрия ҳашарида ҳам бу каби кўкаламзорлаштириш, ободонлаштириш тадбирларини давом эттиришни мақсад қилган.