Жорий йилнинг 10 февраль куни Иқтисодий ҳамкорлик ва тараққиёт ташкилотининг Шарқий Европа ва Марказий Осиё давлатлари учун коррупцияга қарши курашиш тармоғининг Истанбул ҳаракатлар режаси доирасида 5- раунд мониторингига самарали тайёргарлик кўришга масъул вазирлик ва идоралар учун тренинг ташкил этилди.

Унда миллий координаторлар ва кузатувчи мамлакатларнинг бошқа тегишли ҳукумат вакилларига саволномани тўлдириш ва мониторингнинг 5-раундида кейинги қадамлар ҳақида қўшимча тушунтиришлар берилди.

Тренинг доирасида ҳозирда Истанбул ҳаракатлар режасининг 5-раунд мониторингини ўтаётган давлатлар Арманистон, Молдова ва Озарбайжон давлатлари томонидан мониторинг саволномасини тўлдириш жараёнида юзага келаётган муаммо ва саволлар билан танишилди.

Ўзбекистон томонидан мониторингга тайёргарлик кўришга масъул вазирлик ва идоралар вакиллари иштирок этиб, Мониторинг жараёнини ташкил этиш билан боғлиқ қўшимча маълумотларга эга бўлишди. 

3537 929 Босма версияси

Korrupsiyaga qarshi kurashish Axborot xizmati 10.02.2023

• Ҳаволадан нусха олиш