ННТ раҳбарлари билан коррупция қарши курашда ҳамкорликни кучайтириш масалалари муҳокама қилинди

Куни кеча Ўзбекистон Республикаси Президенти ҳузуридаги Давлат бошқаруви академиясида ўз малака ва билимларини ошираётган 67 нафар ННТ раҳбарлари учун Коррупцияга қарши курашиш агентлиги директорининг ўринбосари Умида Тухташева билан учрашув ташкил этилди.

Учрашувда коррупцияга қарши курашиш жараёнларига давлат органлари ва ташкилотлари, шунингдек, фуқаролик жамияти институтлари, хусусан, ОАВ, ННТ вакилларини кенг жалб қилиш, соҳадаги ислоҳотлар ижросини таъминлашда уларнинг иштирокини кучайтириш ва фаоллигини ошириш, шунингдек, бу йўналишда ўзаро ҳамкорлик алоқаларини янада мустаҳкамлаш масалаларига эътибор қаратилди.

Шунингдек, мамлакатда коррупциянинг олдини олиш бўйича фуқаролик жамияти институтлари билан биргаликда ижтимоий шериклик ва жамоатчилик назорати доирасида туркум тадбирлар, грант лойиҳалари ва давлат ижтимоий буюртмаларини амалга ошириш бўйича таклиф ва тавсиялар билдирилди.

Коррупцияга қарши курашиш агентлиги
Ахборот хизмати

361 29 Босма версияси

Korrupsiyaga qarshi kurashish Axborot xizmati 19.04.2024

• Ҳаволадан нусха олиш