Агентлик директорининг навбатдаги фуқаролар қабули бўлиб ўтди

Коррупцияга қарши курашиш агентлиги раҳбарияти ва ходимлари томонидан доимий равишда фуқароларни қабул қилиш амалиёти йўлга қўйилган.

Жумладан, бугун Агентлик директори Акмал Бурхановнинг навбатдаги фуқаролар қабули бўлиб ўтди.

Республиканинг турли ҳудудларидан келган фуқаролар асосан суд қарорларидан, шунингдек, турли вазирлик-идораларда мурожаатларининг тўлиқ ва холисона кўриб чиқилмаётганлигидан норозилик билдирди.

Қабулда мурожаатларнинг ечими бўйича тегишли ҳуқуқий тушунтириш ва маслаҳатлар берилди.

Ўрганиш ва вақт талаб қиладиган мурожаатлар бўйича фуқаролардан тегишли тартибда ариза ва шикоятлар қабул қилиниб, ижроси қатъий назоратга олинди.

———————————————

Агарда сиз коррупцияга оид ҳуқуқбузарлик ҳолатларига дуч келсангиз Коррупцияга қарши курашиш агентлигининг “Call-markazi” – 1253 ёки eanticor.uz электрон платформаси орқали мурожаат қилишингизни сўраймиз.

Коррупцияга қарши курашиш агентлиги

Ахборот хизмати

553 26 Босма версияси

Korrupsiyaga qarshi kurashish Axborot xizmati 26.04.2024

• Ҳаволадан нусха олиш